Parece papel pero non o é
Que papeis van ao colector de cartón para reciclar?
Todos os días pasan polas nosas mans papeis e envoltorios que arroxamos ao cubo do papel sen estar aos 100% seguros de que o material que refugamos é considerado papel para reciclar.
Cantas veces estivemos coa man no alto suxeitando un envoltorio fronte á colector azul e durante uns segundos tratamos de decidir se é clasificado como papel?
Se hai máis dun que ten a curiosidade de saber que papeis van ao colector do cartón para reciclar, aquí algúns consellos que poden ser reveladores:
NON é papel
- O papel de cociña, o hixiénico e as servilletas non é papel senón celulosa por tanto vai ao colector de restos.
- Os papeis sucios con restos de comida e graxa deben botarse ao cubo de restos non ao de papel.
- O papel de celofán empregado sobre todo para envolver agasallos e caramelos tampouco é papel senón un polímero natural derivado da celulosa e por tanto debe arroxarse ao colector de envases.
- Os papeis Post-it con banda adhesiva tampouco se debe arroxar á sección de papel pola goma que contén. Iría a restos.
- O mesmo ocorre cos papeis encerados que nos dan na carnicería e charcutería, tampouco se deben tirar ao cubo do papel.
- Os papeis plastificados e os tetrabriks tampouco van ao cotenedor de papel.
- Os pratos e vasos desbotables de cartón que se utilizan nas festas normalmente van recubertos cunha película impermeable polo que igualmente non se trata de papel para reciclar.
- Os sobres con portelo e todos outros produtos nos que se mestura papel con plástico non debe refugarse como papel, salvo que recortes a parte que corresponde á goma e o plástico.
- Ademais, nin as fotografías, nin as etiquetas adhesivas débense arroxar ao colector azul do cartón.
Despois desta longa lista negra, hai algo que é xenuinamente de papel?
Pois si. Queda unha infinidade de xornais, revistas, propaganda, cadernos, calendarios, folios usados, todos eles sen espiral de arame e sen grampas.
E de cartón, están as caixas, os envoltorios de papel 100%, as oveiras, o cilindro interior do papel de cociña e do hixiénico, ademais das embalaxes.
De agora en diante, teremos unha idea máis clara de que o que metemos no colector azul.
Voltar o listado